豬腸

小 B牙牙學語，由說「嗚嗚」，然後「who who」，到現在說「姑姐」已經非常準確。

昨天教他說「姑丈」。

我︰「姑」；
小B︰「姑」；
我︰「丈」；
小B︰「丈」；
心想︰非常好！叻仔！

然後……
我︰「姑丈」；
小B︰「豬腸」……

如是者以上對話重複了多次，「姑丈」還是成了「豬腸」。

小B逗得我和嫲嫲大笑起來，小B也因此跟著我們大笑，很可愛哩。

回家看一看，「姑丈」真有點像「豬腸」，嘿嘿！

註︰相片已攝於多月前，現在的小B很大個仔了。:)

孩趣談 - 31012009

(1)
阡阡︰(拿趣圖畫大叫)租姐姐租姐姐好靚呀好靚呀！

租姐姐︰(以為自己好醒咁！)哈哈！租姐姐緊係靚啦！

全場靜了片刻，然後如常運作。………

租姐姐(很燶地心想)︰現在的孩子真沒有幽默感。:p

(2)
阡阡︰租姐姐，我好叻呀！

租姐姐︰阡阡，你有乜野做得叻呀？

阡阡︰我可以一隻手拎住「咕咕」，一隻手去開水喉……

租姐姐(花了兩秒消化他的說話)︰嘩！咁叻仔呀！不過唔可以四圍同人講呀！(為免他在公眾場所尶尬，唯有這樣說)

阡阡︰(有點不明白)點解呀？咁叻都唔可以話比你知。

阿B︰係呀，呢啲野只可以同媽咪講呀！

租姐姐︰係呀！可以同媽味講呀！(唔該晒阿B，:P)

(原來對男孩子來說，這樣是很叻的！哈哈)

孩趣談 - 10042008

話說今天Wing小朋友很不開心，鬧情緒，入課室前已經撒了一會嬌，但仍然很不開心，用腳仔踢櫈又亂抛東西……

租姐姐︰Wingwing，租姐姐知你有少少唔開心，但係你踢東西都無用，踢o左之後你會開心嗎？

Wing︰唔會開心，但係我好"嘎"，唔開心……(憤怒的樣子 :( )

租姐姐︰咁仍然唔開心，即係踢東西唔會令你開心啦。租姐姐都成日唔開心，不過食粒糖就會開心番，你想唔想試一試？

Wing︰(仍然十分憤怒) ……

(租姐姐送上一粒糖)

租姐姐︰不如你試一試

Wingwing把糖打開，放進咀裏，吃著吃著……

租姐姐︰點呀！開心番未呀！

……

租姐姐︰Wingwing，開唔開心？

Wingwing︰(有點不耐煩的)(口中咀嚼著糖) 開心緊嘞！

租姐姐心想︰(Sorry，打攪晒！:p)

Wing︰好開心呀！(跳跳跳！)

(小朋友真係好氹，幾唔開心都可以好快開心番！)

孩趣談 23122007

相信這是今年的最後一遍「孩趣談」了，其實每天的趣事都很多，可惜記得的卻不多，謝謝我的一班小朋友帶給我無窮無盡的快樂！

(一)
Kenza︰我五歲半了，five and a "握"呀！

Sharen︰乜野係five and a "握"？

George︰(義正詞嚴地)係five and a hal"F"呀！你講錯晒嘞！

Kenza︰我係話five and a "握"呀！(嬲爆爆地) 我諗你隻耳仔有問題！


(二)
Wing(男孩子)︰(開開心心地)我約o左男朋友去玩，又約o左女朋友去食野！

租姐姐︰咁你幾時同你女朋友結婚呀？(你睇租姐姐幾無聊，問埋晒o的咁o既問題)

Wing︰(想了一會) 我地係唔會結婚o既！

租姐姐︰點解呀？

Wing︰因為我o地都有自己屋企囉，我係同爸爸媽媽住，爸爸媽媽結o左婚囉，我唔會同佢(女朋友仔)住呀！

租姐姐︰哈哈……原來係咁……哈哈！(這就是孩子對「家」的邏輯。)

(三)
Eupherium︰你係Mr Bean姐姐，哈哈！

Trinsten︰唔係，你係Princess 租姐姐。

租姐姐︰咁你係Trinsten King啦，爸爸！哈哈！

Trinsten︰哈哈，點解爸爸咁細個(Trinsten用隻手度度自己的頭仔)，個囡囡咁大個o既？(又度度租姐姐的高)

孩趣談 27092007

租姐姐︰小朋友，記住要排隊取物料，不可以推人啊！

小朋友齊聲︰知道！

租姐姐︰咁如果一陣租姐姐發現有小朋友傻豬豬唔記得，打尖不讓其他人，怎樣罰他好呢？

(眾靜，包括租姐姐也在想如何處罰頑皮學生)

(突然一把肯定而又響亮的聲音……)

Isacc︰食屎！

(租姐姐滴汗……心想︰咁都得？)

租姐姐(忍著笑)︰咁又唔駛食屎，這樣罰人是不對的！不如罰抺枱算吧！

小朋友︰好呀！(真是天真無邪！)

孩趣談 11092007

(1)
George︰我是一個artist

租姐姐︰是嗎？為什麼你是一個artist？

George︰(一本正經地) 因為我畫畫畫得好囉！

(他的畫真的畫得很不錯)

租姐姐︰看看，真的畫得不錯，那就是artist了嗎？

George︰(仍是很酷很正經) 還有，我媽媽畫的畫很醜，所以我是artist！

租姐姐︰啊！原來係咁！(孩子的成就往往是由父母建築的:p)

(2)
(George忽然拿起一枝marker，並把它的筆尾放在口裡)

租姐姐︰George，你肚子餓嗎？為什麼吃顏色？

George︰(害羞地，並迅速拿開marker)不是呀！我不餓。

(另一邊廂，Sheron把一盒木顏色的角放入口)

Sheron︰是呀是呀！我好肚餓！

租姐姐︰肚子餓也不是吃顏色的，不是什麼也可以吃的……

Sheron︰什麼也可以吃的，我在家肚子餓時會吃腳趾……

租姐姐︰(忍不住邊笑邊說)那有人吃腳趾的？好吃的嗎？

(此時，有數位小朋友高呼︰我也吃過腳趾，好味道)

租姐姐︰腳趾好吃的嗎？是什麼味道？(已經快笑到合不攏嘴)

Sheron︰(天真無邪的)嘻嘻，有少少嗅！嘻嘻

(此時的租姐姐已經笑到肚仔痛了)

孩趣談03092007

租姐姐︰小朋友，很久沒見面了，有沒有掛住我呢？

眾小朋友︰有呀！

租姐姐嘴角正準備向上張，開開心心的謝謝他們時，一把聲音傳來…

George︰(細細聲，很神秘的說) 我是不會掛住別人的！

租姐姐心想︰你是不是覺得自己好有型？ *~*HEHE

孩趣談 01092007

(一)

Arien : (可愛地) 媽媽告訴我，我以前住在她的肚腩仔裏，是用刀切開媽媽的肚子，把我拿出來的……

Kelly : (反應很快，肯定地) 你講大話！切開肚腩是…會…死…的！

Arien : 我沒有講大話，是媽媽告訴我的！……:(

(二)

租姐姐︰小朋友，很久沒見了，放完暑假，還記得我是誰嗎？

Andree︰(很快速地舉起手) 我記得我記得！你係 BB 姐姐！hehe

(三)

Kenton : (得意洋洋的說) 我四歲半嘞！

租姐姐︰咁你估o下我幾多歲。

Kenton︰我知，你六歲囉。

租姐姐︰你真係聰明！hehe:p